15 noyabr 2017-ci il tarixdə İsveçrə Konfederasiyasının Türkiyə Respublikasındakı Səfirliyinin müdafiə məsələləri üzrə, eyni zamanda, Gürcüstan və Azərbaycanda akkreditə olunmuş attaşesi Hans Eberhart Naxçıvan Muxtar Respublikasına səfər etmişdir.

Səfər çərçivəsində qonaq Naxçıvan Muxtar Respublikası Ali Məclisi Aparatı rəhbərinin müavini, Qanunçuluq və hüquq mühafizə orqanları ilə iş şöbəsinin müdiri Cəlil Rüstəmov, Naxçıvan Əlahiddə Ümumqoşun Ordu komandanının müavini general-mayor Teymur Eyyubov və “Naxçıvan” Əlahiddə Sərhəd Diviziyasının Sərhəd-nəzarət buraxılış məntəqəsinin rəisi Əhməd Abbasov ilə görüşlər keçirmişdir.

Səfər müddətində qonaq muxtar respublikanın bir sıra tarixi abidələri, mədəniyyət və səhiyyə müəssisələri ilə tanış olmuşdur.